
遍知贝玛嘎波大师教言集PK62བརྒྱུད་འདེབས་ཀྱི་རིམ་པ་བཞུགས་སོ།།
10-120
༄༅། །བརྒྱུད་འདེབས་ཀྱི་རིམ་པ་བཞུགས་སོ།།
༄། །ཕྱག་ཆེན་བརྒྱུད་པའི་གསོལ་འདེབས།
༄༅། །བརྒྱུད་འདེབས་ཀྱི་རིམ་པ་བཞུགས་སོ། ། ༄༅།།ལམ་ཟབ་ཐུན་མོང་བ་དང་ཕྱག་ཆེན་བརྒྱུད་འདེབས་བཞུགས་སོ། །བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །དཔལ་ལྡན་བླ་མ་རྡོ་རྗེ་འཆང་། །ཏི་ལླི་ནཱ་རོ་མར་མི་དྭགས། །ཕག་གྲུ་(རས་པ་)ཆོས་རྗེ་དབོན། །
10-121
གཞོན་ནུ་ཉི་མ་བྱང་གླིང་བ། །སྤོས་སྐྱ་བཅུ་གསུམ་འཇམ་དབྱངས་མཁན། །བློ་གྲོས་སེང་གེ་སྔོ་ཞལ་མ། །བློ་མཆོག་ནམ་མཁའི་རྣལ་འབྱོར་པ། །རྒྱལ་དབང་རྗེ་དབོན་སྤྲུལ་བའི་སྐུ། །ཀུན་སྤངས་ཡོངས་འཛིན་རྗེ་
བླ་མ། །མི་ཕྱེད་དད་པས་གསོལ་བ་འདེབས། །བདག་གིས་ལེགས་བྱས་ངག་བརྗོད་ལུས། །མཆོད་རྫས་ཀུན་སྦྱིན་བསྟོད་དབྱངས་ཅན། །ནམ་མཁའི་ཁམས་རྣམས་ཁྱབ་དམིགས་པས། །ཞིང་གི་དམ་པ་ཁྱད་མཆོད་ཀྱི། །ཐུགས་རྗེའི་སྤྱན་
པས་འདིར་གཟིགས་པས། །སྐུ་གསུང་ཐུགས་ཀྱི་བྱིན་རླབས་རྣམས། །བདག་གི་ལུས་ངག་ཡིད་ཞུགས་པས། །རས་པའི་དབང་ཕྱུག་དེང་ཐོབ་མཛོད། །གཟིམས་དཔོན་འཇམ་དབྱངས་པད་དཀར་ལ་ཕྱག་ཆེན་བརྒྱུད་འདེབས་སུ་འོ་ཐང་མ་
བོན་སྒར་དུ་སྦྱར་བའོ།། །། ཕྱག་ཆེན་བརྒྱུད་པའི་གསོལ་འདེབས་སོ། །རིགས་བརྒྱའི་དབང་ཕྱུག་རྡོ་རྗེ་འཛིན། །ཏིལ་བརྡུང་ཡ་ཀྵ་བྷ་དྲ་དང་། །ཆོས་ཀྱི་བློ་གྲོས་ཐོས་པ་དགའ། །བདག་གི་སྙིང་པོའི་དོན་མཐོང་སྩོལ། །
དགེ་སློང་འཚོ་མཛད་ཕག་གྲུ་པ། །པདྨ་རྡོ་རྗེ་གཙང་པ་རྒྱ། །དབོན་དང་གཞོན་ནུ་ཉི་མའི་མཚན། །བདག་གི་སྙིང་བོའི༴ །སེངག་ཤེས་རབ་སྤོས་སྨྱུ་པ། །བཅུ་གསུམ་ཀུན་དགའ་རྡོར་རིན་དང་། །བློ་གྲོས་མཁྱེན་
བར་རྟོགས་ལྡན་གྱིས། །བདག་གི༴ །བདག་མཆོག་ནམ་མཁའི་རྣལ་འབྱོར་པ། །རྒྱལ་བའི་དབང་དང་འབྲུག་པ་རྗེ། །ཆོས་ཀྱི་གྲགས་པ་ཡབ་སྲས་ཀྱིས། །བདག་གི༴ །རྒྱལ་བ་རྣམས་ཀྱི་ཐུགས་རྗེའི་མཐུ། །བདག་ཅག་རྣམས་དང་མཐུན་ཞུགས་པ། །
10-122
རྗེ་བཙུན་བླ་མ་པད་དཀར་འཛིན། །བདག་གི་སྙིང་པོའི་དོན་མཐོང་སྩོལ། །སྐུ་ཡི་བྱིན་རླབས་ལུས་ལ་ཞུགས། །སྒྱུ་འཕྲུལ་རྡོ་རྗེའི་སྐུ་ཐོབ་ཤོག །གསུང་གི་བྱིན་རླབས་ངག་ལ་ཞུགས། །འཇམ་དབྱངས་ཆེན་པོ་ཉིད་
གྱུར་ཅིག །ཐུགས་ཀྱི་བྱིན་རླབས་ཡིད་ལ་ཞུགས། །འཕོ་མེད་བདེ་བ་ཆེ་ཐོབ་ཤོག །ཇི་ལྟར་ཆུ་ལ་ཆུ་བཞག་ལྟར། །བདག་དང་གཉིས་མེད་རོ་གཅིག་པས། །ས་བཅུའི་དབར་ཕྱུག་འགྲུབ་གྱུར་ཅིག། །།
༄། །རྫོགས་ཆེན་བརྒྱུད་འདེབས་བཞུགས་སོ།།
རྫོགས་ཆེན་བརྒྱུད་
འདེབས་བཞུགས་སོ།། གནས་ཆོས་ཀྱི་དབྱིངས་ཀྱི་ཕོ་བྲང་དུ། །གཤིས་ཀུན་བཟང་སྒྱུ་མའི་རྣམ་ཐར་ཅན། །མགོན་རྡོ་རྗེ་འཆང་ལ་གསོལ་བ་འདེབས། །བུའི་ལུས་ངག་ཡིད་གསུམ་བྱིན་གྱིས་རློབས། །བཅོམ་ལྡན་ལོངས་སྐུའི་ཞིང་
ཁམས་སུ། །ལྷ་རྒྱལ་བ་རྒྱ་མཚོའི་རྣམ་ཐར་ཅན། །མགོན་གསང་བའི་བདག་པོ་ལ་གསོལ་བ་འདེབས། །བུའི་ལུས་ངག་ཡིད་གསུམ་བྱོན་གྱིས་རློབས། །གནས་ཐུགས་རྗེ་སྤྲུལ་བའི་ཞིང་ཁམས་སུ། །གཟུགས་གང་འདོད་བསྒྱུར་བའི་
རྣམ་ཐར་ཅན། །མགོན་དགའ་རབ་རྡོ་རྗེ་ལ་གསོལ་བ་འདེབས། །བུའི་ལུས་ངག་ཡིད་གསུམ་བྱིན་གྱིས་རློབས། །གནས་པདྨ་འོད་ཀྱི་ཞིང་ཁམས་སུ། །ངོ་མཚར་རབ་འབྱམས་ཀྱི་རྣམ་ཐར་ཅན། །མགོན་པདྨ་འབྱུང་གནས་ལ་
གསོལ་བ་འདེབས། །བུའི་ལུས་ངག་ཡིད་གསུམ་བྱིན་གྱིས་རློབས། །གནས་ཕྱོགས་བཅུ་རྒྱལ་བའི་ཞིང་ཁམས་སུ། །དཔལ་སྒྱུ་འཕྲུལ་རྡོ་རྗེའི་རྣམ་ཐར་ཅན། །མགོན་རྒྱལ་བའི་དབང་པོ་ལ་གསོལ་བ་འདེབས། །བུའི་ལུས་ངག་ཡིད་གསུམ་བྱིན་གྱིས་རློབས། །
10-123
གནས་གསང་བ་མཆོག་གི་ཞིང་ཁམས་སུ། །སྲིད་ཞི་མཉམ་ཉིད་ཀྱི་རྣམ་ཐར་ཅན། །མགོན་ངག་གི་དབང་པོ་ལ་གསོལ་བ་འདེབས། །བུའི་ལུས་ངག་ཡིད་གསུམ་བྱིན་གྱིས་རློབས། །གནས་(ཡངས་པ་)ཅན་གྱི་ཞིང་ཁམས་
སུ། །ལུས་ཆུ་ཟླའི་གར་གྱི་རྣམ་ཐར་ཅན། །མ་གོན་པདྨ་དཀར་པོ་ལ་གསོལ་བ་འདེབས། །བུའི་ལུས་ངག་ཡིད་གསུམ་བྱིན་གྱིས་རློབས། །གནས་རང་སྣང་དག་པའི་ཞིང་ཁམས་སུ། །རྟེན་དབྱིངས་ཕྱུག་ཕོ་ཉའི་རྣམ་
ཐར་ཅན། །མགོན་མཁའ་འགྲོ་ཆོས་སྐྱོང་ལ་གསོལ་བ་འདེབས། །བུའི་ལུས་ངག་ཡིད་གསུམ་བྱིན་གྱིས་རློབས། །རྐྱེན་བགེགས་དང་སྒྲིབ་པའི་བར་ཆད་གསོལ། །མཆོག་བྱིན་རླངས་འཕོ་བའི་དབང་བསྐུར་སྩོལ། །དོན་མཆོག་དང་ཐུན་མོང་
དངོས་གྲུབ་སྦྱིན། །ཁོང་འགྲོ་བའི་འདྲེན་པར་བྱིན་གྱིས་རློབས། །ཞེས་པདྨ་དཀར་པོས་སྦྱར་བའོ།། །།
༄། །བསྲེ་འཕོ་བརྒྱུད་པའི་གསོལ་འདེབས་བཞུགས་སོ།།
བསྲེ་འཕོ་བརྒྱུད་པའི་གསོལ་འདེབས་བཞུགས་སོ། །རིགས་བརྒྱའི་བདག་པོ་བཅོམ་ལྡན་འདས། །དེ་སྲས་ཐུ་བོ་རྡོ་རྗེ་འཛིན། །རྣལ་
འབྱོར་དབང་ཕྱུག་ཏིལླི་པར། །གསོལ་བ་འདེབས་སོ་ཐུགས་རྗེས་གཟིགས། །རྗེ་བཙུན་དཔལ་ལྡན་ནཱ་རོ་པ། །ཤེས་བྱ་ཀུན་གཟིགས་འཇིག་རྟེན་མིག །དབང་ཕྱུག་མི་ལ་རས་པ་ལ། །གསོལ༴ །འཇའ་ཚོན་སྐུ་ཅན་རས་ཆུང་
པ། །དེ་སྲས་མཚུངས་མེད་རྒྱལ་བ་ལོ། །གདམས་པའི་མཛོད་འཛིན་སུམ་པ་ལ། །སྟོན་པས་ལུང་བསྟན་འཛམ་གླིང་གྲགས། །བདེ་བར་གཤེགས་པ་ཕག་གྲུ་པ། །རྟོགས་པའི་མངའ་བདག་གླིང་རས་པར། །འགྲོ་བའི་སྐྱབས་གཅིག་ཆོས་ཀྱི་རྗེ། །
10-124
རྒྱལ་ཚབ་དམ་པ་སངས་རྒྱས་དབོན། །བསྟན་སྐྱོང་གཞོན་ནུ་ཉི་མ་ལ། །རྒྱལ་སྲས་རྡོར་གླིང་(སྤོས་སྐྱེ་བ)། །བཅུ་གསུམ་པ་དང་འཇམ་དབྱངས་རྗེ། །མཁན་ཆེན་(བློ་སྦྱོང་)ཤེས་རབ་མཚན། །ཡེ་ཤིས་རིན་ཆེན་ནམ་
མཁའི་དཔལ། །ཤེས་རབ་བཟང་པོ་རྒྱལ་བའི་དབང་། །ཆེས་ཀྱི་རྒྱལ་པོ་ར་ལུང་པར། །ཆོས་བཞིན་ས་སྐྱོང་གྲགས་པའི་གཏེར། །མཆོག་གཟིགས་ཨ་ཝ་དྷུ་ཏཱི་པ། །འཇམ་དབྱངས་གྲུབ་པ་པདྨ་དཀར། །དངོས་གྲུབ་སྟེར་བའི་
ཡི་དམ་ལྷ། །བྱིན་གྱིས་རློབ་པའི་ཌཱ་ཀི་ནཱི། །བར་ཆད་བསལ་བའི་ཆོས་སྐྱོང་ལ། །ཨེ་མ་རྨད་བྱུང་(དངོས་པོའི་དབྱིངས)། །དབང་བཞིའི་སྒོ་རུ་ལེགས་སྦྱངས་ནས། །བསྐྱེད་རྫོགས་ཟུང་འཇུག་རྒྱལ་མཚན་རྩེར། །འཕྲིན་ལས་
བསམ་འཕེལ་ཉིད་གྱུར་ཅིག །གཏུམ་མོའི་ཡེ་ཤེས་མེ་བོ་ཆས། །མ་དག་འཇིག་རྟེན་ཁམས་བསྲེགས་ནས། །འོད་གསལ་ནམ་མཁར་ཁྱབ་གང་བའི། །ཚེ་གཅིག་སངས་རྒྱས་འགྲུབ་པར་ཤོག །རྣམ་གསུམ་ཤེས་རབ་མར་འཁྱུད་པ། །
རྣམ་མེད་བདེ་བའི་རྩལ་སྦྱོང་གིས། །རྣམ་མཁྱེན་སྐད་ཅིག་ལ་འགྲུབ་ནས། །རྣམ་ཀུན་གཞན་དོན་བྱེད་པར་ཤོག །ཡུལ་ལ་གྲོང་འཇུག་ནུས་པ་དང་། །འཆི་དུས་མཁའ་སྤྱོད་གནས་ཕྱིན་ནས། །སངས་རྒྱས་ཐམས་ཅད་མཉེས་
བྱེད་པའི། །ཀུན་བཟང་སྤྱོད་པ་སྐྱོང་གྱུར་ཅིག། །།
༄། །ལམ་ཟབ་ཀྱི་གསོལ་འདེབས་བཞུགས་སོ།།
ལམ་ཟབ་ཀྱི་གསོལ་འདེབས་བཞུགས་སོ། །ཐུགས་རྗེ་ཆེན་པོའི་རང་བཞིན་གྱིས། །ཁམས་གསུམ་འགྲོ་བའི་དོན་མཛད་པར། །གུ་རུ་འཏུ་བྱོན་པའི་ཚེ། །འཇའ་དང་འོད་དུ་པུ་རུ་རུ། །
10-125
བཀའ་བརྒྱུད་བླ་མས་རྣམ་མཁའ་གང་། །དམ་པའི་ཆོས་སྒྲ་འུ་རུ་རུ། །སྣོད་བཅུད་དཀྱིལ་འཁོར་ཆེན་པོར་ཤར། །གསང་སྔགས་ཧཱུཾ་སྒྲ་དི་རི་རི། །སྣུམ་ལོགས་དཔའ་བོ་མ་ལུས་པ། །དགེ་བའི་བྲོ་བསྡུས་ཤིགས་
སེ་ཤིག །བལྟ་བས་མི་ངོམས་དཔའ་མོའི་ཁྲོམ། །སྙན་པའི་གླུ་སྒྲ་སྐྱ་རུ་རུ། །མདུན་ན་བཀའ་ཉན་བསྲུངས་མའི་ཚོགས། །འཕྲིན་ལས་མཛད་ལ་ཤ་ར་ར། །ཀུན་ཏུ་ཐུགས་རྗེའི་སྤྲིན་ཕུང་ལས། །བྱིན་རླབས་ན་
བུན་ཐུ་ལུ་ལུ། །དམ་ཚིག་ལྡན་པའི་བུ་སློབ་ཀྱིས། །གསོལ་འདེབས་འབྲུག་ཟླ་དི་རི་རི། །(གྲུབ་པ་དད་)དང་ཕྱག་རྒྱ་ཆེའི། །དངོས་གྲུབ་སྦྲང་ཆར་ཉི་ལི་ལི། །བདག་གི་སྤྱི་གཙུག་ཡངས་པའི་སྟེང་། །འཇིགས་
བརྒྱད་བྲལ་བ་སེང་གེའི་ཁྲི། །ལ་འཁོར་བའི་སྐྱོན་སྦངས་བདྨའི་གདན། །མ་རིག་མུན་སེལ་ཉི་ཟླའི་ཁར། །འགྲོ་བའི་བླ་མ་བདེ་བར་བཞུགས། །ཆོས་ཀྱི་རྒྱལ་པོ་བདེ་བར་བཞུགས། །རིགས་བརྒྱའི་བདག་པོ་བདེ་བར་
བཞུགས། །ཡིད་བཞིན་ནོར་བུ་བདེ་བར་བཞུགས། །ཁྱོད་ཀྱི་མཛད་པའི་རྦ་རླབས་ཀྱིས། །དངོས་གྲུབ་རིན་ཆེན་ཀུན་སྤྲུལ་ཞིང་། །སྐལ་ལྡན་ཀླུ་དབ༵ང་རྣམས་སྡུད་པས། །ཐུགས་རྗེའི་རྒྱ་མཚོར་ཤེས་ནས་འདུད། །ཁྱོད་ཀྱི་སྤྱན་སྔར་
བདག་གི་ལུས། །ཕྱི་ནང་གསང་བ་ད་ཁོ་ནའི། །མཆོད་སྤྲིན་ཆེན་པོར་གྱུར་ནས་སུ། །ཞིང་ཁམས་ཐམས་ཅད་བཀང་སྟེ་འབུལ། །རང་ཉིད་དབང་བའི་འབྱོར་པའི་སྡེ། །རྣམ་ཐོས་སྲས་དང་མཉམ་སོང་བས། །ཡོན་གནས་དམ་པ་ཁྱད་རྣམས་ལ། །
10-126
རྟག་ཏུ་བཞེད་དགུ་(སྟོབས་པར་)ཤོག །དུས་གསུམ་དགེ་བ་གང་བསགས་པ། །བླ་མ་སངས་རྒྱས་མཉེས་བྱེད་པའི། །ལེགས་བྱས་གསར་པ་གསར་བའི་ཚོགས། །གོང་ནས་གོང་དུ་འཕེལ་བར་ཤོག །བྱིས་དང་མི་ཤེས་བག་
མེད་དང་། །ཉོན་མོངས་མང་བས་སྤྱད་པའི་ལས། །སངས་རྒྱས་འབྱུང་བ་མཉེས་མི་བྱེད། །ཐམས་ཅད་དེ་རིང་བཤགས་པར་བགྱི། །བསྔགས་འོས་ཀུན་ལ་རྗེས་ཡི་རང་། །ཆོས་ཀྱི་འཁོར་ལོ་བསྐོར་བར་བསྐུལ། །མྱ་ངན་མི་
འདར་གསོལ་འོས་པ། །ཀུན་གྱི་སྤྱན་སྔར་བདག་བགྱིད་དོ། །རྡུལ་དུ་དབུལ་བའི་ལྷ་ཚོགས་གཟུགས། །གང་ལ་གང་གིས་འདུལ་བསྟན་པ། །འགྲོ་བ་ཀུནགྱི་བསམ་པའི་གྲངས། །མཐའ་ཡས་པད་འདབ་རྒྱས་བའི་སྤྱན། །བརྗོད་དུ་
མེད་པ་ན་དའི་དབྱངས། །ཐམས་ཅད་སྐད་དུ་ཆོས་སྟོན་པའི། །སྟོང་ཕྲག་བརྒྱད་ཅུ་རྩ་བཞིའི་སྒོ། །བསམ་མི་ཁྱབ་པའི་ཉིན་མོར་བྱེད། །རྣམ་པར་ཤེས་འདས་ཡེ་ཤེས་ཚུལ། །གཟིགས་པའི་སྐད་ཅིག་དེ་ཁོ་ནར། །
མཁྱེན་པས་ཤེས་བྱ་ཀུན་མཁྱེན་ཅིང་། །མི་ཟད་རྒྱན་གྱི་འཁོར་ལོའི་མཛོད། །སྐུ་གསུང་ཐུགས་ཀྱི་གསང་བ་གང་། །ཆོས་རྣམས་ཀུན་གྱི་གཤིས་ཉིད་དང་། །དེ་ཡང་རང་སེམས་ལས་གུད་ན། །མེད་པ་སྔོན་ཆད་མ་
ཤེས་པས། །མགོན་པོ་ཁྱེད་ཀྱི་འབངས་སུ་ཞུགས། །སྙིང་ནས་གསོལ་བ་ཕུར་ཚུགས་འདེབས། །སྒོ་གསུམ་བྱིན་གྱིས་བརླབ་པའི་ཕྱིར། །གྲུབ་མཆོག་བདག་ལ་དབང་བཞི་བསྐུར། །མཆོད་པས་མཉེས་པའི་ལང་ཚོ་གང་། །འདོད་ཆགས་ཆེན་པོའི་སྐུ་རུ་བཞེངས། །
10-127
རང་རང་ཡུམ་དང་རྫུ་དགའི་མཐར། །ཕན་ཚུན་གཉིས་མེད་སྦོར་བ་མཛོད། །བདེ་བ་ཆེན་པོར་སྤུས་ལོང་གཡོས། །དགའ་བདེའི་ངོ་བོར་བྱང་སེམས་ཞུ། །རྡོ་རྗེའི་ལམ་ནས་པདྨར་བརྒྱུད། །དཀར་དམར་འདྲེས་པ་བྷ་ག་
ནས། །བདག་གི་སྤྱི་བོའི་འཁོར་ལོར་ཞུགས། །སད་པའི་སྐབས་བྲལ་བུམ་དབང་ཐོབ། །སྐུ་ཡི་རྡོ་རྗེ་ལུས་ལ་བབས། །སྒྱུ་འཕྲུལ་གར་གྱི་དབང་པོར་གྱུར། །མགྲིན་པ་ལོངས་སྤྱོད་འཁོར་ལོར་སོན། །རྨི་ལམ་སྐབས་བྲལ་
གསང་དབང་ཐོབ། །གསུང་གི་རྡོ་རྗེ་ངག་ལ་ཕེབས། །སྨྲ་བ་ཀུན་གྱི་དབང་པོར་གྱུར། །སྙིང་ག་ཆོས་ཀྱི་འཁོར་ལོར་ཕྱིན། །གཉིད་སྡུག་སྐབས་བྲལ་ཤེར་དབང་ཐོབ། །ཐུགས་ཀྱི་རྡོ་རྗེ་ཡིད་ལ་ཕེབས། །རྣལ་འབྱོར་
ཀུན་གྱི་དབང་པོར་གྱུར། །ལྟ་བ་སྤྲུལ་པའི་འཁོར་ལོར་བྱོན། །འཕོ་བའི་སྐབས་བྲལ་བཞི་པ་ཐོབ། །ཡེ་ཤེས་དས་མའི་ཐིག་ལེར་ཐིམ། །ཕྱག་རྒྱ་ཆེན་པོའི་དངོས་གྲུབ་བརྙེས། །(དེ་ནས་)ཐམས་ཅད་རང་སེམས་ལ། །
ཆུ་ལ་ཆུ་བཞག་ལྟ་བུར་གྱུར། །ཏིང་འཛིན་ཀློང་དེར་ཁྱབ་གདལ་ནས། །དགེ་བ་བྱང་ཆུབ་ཐོབ་ཕྱིར་བསྔོ། །བླ་སྒྲུབ་ཐུན་མོང་མ་ཡིན་པའི་གསོལ་འདེབས། མི་ཕམ་པདྨ་དཀར་པོས་གཉལ་ཡངས་བ་ཅན་ཆོས་
ཀྱི་རྒྱལ་པོའི་འདུན་སར་སྦྱར་བ་དགེ་ལེགས་སུ་གྱུར་ཅིག། །།
༄། །སློབ་དཔོན་ཆེན་པོ་པདྨ་སམྦྷ་བའི་བསྟོད་པ་དྲི་ཟའི་རྒྱུད་མངས་ཞེས་བྱ་བ།
སློབ་དཔོན་ཆེན་པོ་པདྨ་སམྦྷ་བའི་བསྟོད་པ་དྲི་ཟའི་རྒྱུད་མངས་ཞེས་བྱ་བ་བཞུགས་སོ། །པདྨ་སམྦྷ་ཁྱོད་ཀྱིས་གདུལ་བྱའི་ངོར། །སྣ་ཚོགས་གཟུགས་གཟུང་རྟོག་མནོ་ག་ལ་སྟེ། །
10-128
དད་པའི་གདུང་ཤུགས་ཀྱིས་བསྐུལ་བསྟོད་འདོད་པ། །རབ་(དགྱེས་དམང་ས་)སླར་བཞིན་སུ་ཡིས་ཟློག །གང་གི་ཨེ་གསང་ཕོ་བྲང་མ་བསྟེན་པར། །སྐྱེ་བའི་རྒྱལ་སྲིད་ཆེན་པོར་དབང་ཐོབ་མདུན། །ཡ་མཚན་རིན་ཆེན་
མ་ལུས་འོས་འདིས་སུ། །ས་ལ་མཚུངས་མེད་ལྟ་ཡི་ལྟར་གཟུང་ངོ་། །སྲད་པའི་འབྱོར་པ་ཡོངས་ཀྱིས་ཁྱོད་ཀྱི་ཐུགས། །ཞི་བར་གཞོལ་བའི་སྐབས་འགེགས་བརྩམས་གྱུར་ཀྱང་། །དྲི་བྲལ་ཤེལ་ལ་ཆགས་ཚོན་འཛིན་མིན་
འདྲར། །དོན་ཀུན་གྲུབ་དང་བཅལ་ཡང་མཐོ་དམའ་ཅི། །དེ་ནས་ཐབས་མཁས་འཕོང་གི་རྩེད་མོའི་མཐར། །འབད་མེད་ཤེས་རབ་ཡིད་འཕྲོག་ལོན་དགྱེས་ནས། །ཡེ་ཤེས་དམ་པའི་ལྔ་ལེན་དུ་ཞུགས་ཏེ། །ཁ་སྦྱོར་ཆེན་
པོའི་དགའ་སྟོན་ཅི་ཡང་བརྩམས། །ཕ་རོལ་གནོན་པའི་(དབུས་པ་)འཐུག་པོ་ཅན། །སྲིད་ཀྱུ་ལང་ཀའི་མགྲིན་དབུས་བརྟགས་ནས་སུ། །ཡེ་ཤེས་མདའ་བསྣུན་མོད་ལ་བསྒྲལ་བ་ཡིས། །ཕྱོགས་དུས་ཀུན་ཏུ་རྒྱལ་བའི་སྙན་
པ་འབར། །ཀུན་ཤེས་འཛུམ་དྲུག་འཁྱིལ་བའི་མ་བཀྲེས་པར། །སྦྱངས་པའི་ལུས་སྦྱིན་ཚོམ་པ་མེད་པ་དེས། །རྨོངས་པ་ཚེ་འདིའི་སྣང་བ་རྡུལ་བརླགས་པའི། །རབ་དཀར་ལྷག་མ་སྟོན་པའི་མཆོད་བྱར་གྱུར། །ཐམས་ཅད་
གཟིགས་པར་ཉིད་བྱོན་ནང་དུ་ཀུན། །འདོད་དགོངས་བསམ་གཏན་པ་དེས་འདུལ་མངོན་མདོ། །བྱ་སྤྱོད་རྣལ་འབྱོར་བསྐྱེད་ལུང་རྫོགས་པ་ཡི། །ཐེག་པའི་རིན་ཆེན་ཐེམ་སྐས་ཅི་ཡང་སྦྲུལ། །མུ་སྟེག་ངན་པའི་མུ་གེ་དར་བ་གར། །
10-129
ཚེས་ཀྱི་སྦྱིན་ལ་ཞུགས་པའི་ལེགས་བཤད་མཐུ། །ལུང་རིགས་ཐོས་པའི་འབྲས་ཆར་གྱིས་བཅོམ་པའང་༑ །རྫོགས་ལྡན་ལོངས་སྤྱོད་འབོད་པའི་ལྕགས་ཀྱུར་ཆེ། །གངས་ཅན་རྒྱ་མཚོར་ཞུགས་ལ་གནོད་བྱེད་ཀླུ། །ཕྱག་རྒྱ་ཟངས་མའི་
གླེགས་བུས་བཅིངས་པས་ན། །ཐུབ་བསྟན་ནོར་བུའི་ཚོགས་ཀྱིས་འགེས་པའི་དྲིན། །བསམས་ཀྱིན་ལན་བློན་ཐུབ་པ་མེད་པ་མཛོད། །བསླ་ཚེ་དབཀའ་ཡི་ཐོད་པས་མགོ་མནན་པས། ཟ་བྱེད་སྲིན་པོའི་མཆེ་བ་རྣམས་འཁུམས་
ཏེ། །སྐྱེ་དགུའི་འཚོ་བའི་མཚོ་ཆེན་སྤངས་བསྟོད་ལ། །ཟླ་བ་གསར་པ་ཉིད་དུ་འཇིག་རྟེན་གྲགས། །གང་གི་ཞབས་མཐིལ་བཀྲ་ཤིས་ཚོན་(སྡུགས་པར)། །བྲམ་ཟེ་རྒྱ་མཚོའི་རྡུལ་བཞན་བཏུང་འདིས་སུ། །གྲངས་མེད་མང་
བོར་བསྒྲུབ་མཉམ་ཚོགས་རྫོགས་ཀྱིས། །ཁྱོད་དང་མཉམ་པའི་གོ་འཕང་ཐོབ་གྱུར་ཅིག །སློབ་དཔོན་ཆེན་པོ་པདྨ་སམྦྷ་བ་ལ་བསྟོད་པ་དྲི་ཟའི་རྒྱུད་མངས་ཞེས་བྱ་བ་ཆོས་ཀྱི་རྒྱལ་པོ་བཀྲ་ཤིས་སྟོབས་རྒྱས་
ཀྱིས་སྙན་ངག་ལེགས་བ་ཞིག་གྱིས་ཞེས་པདྨ་དཀར་པོས་སྦྱར་བའོ།། ཁ་བའི་དུམ་བུ་འཁྲིགས་པ་དང་འདྲ། །ག་ནས་བལྟས་ཀྱང་མཛེས་པའི་སྐུ་ཅན། །ང་ཡི་ལྷ་ཅིག་འཇམ་པའི་དབྱངས་ཁྱོད། །ཅེ་རེ་གཟིགས་
ན་ཨུཏྤལ་ནགས་ཀྱིས། །ཆ་ཙམ་མི་མཚོན་སྡུག་པའི་། །འཇམ་དབྱས་དཀར་བོ་ལ་བསྟོད་པ་བཞུགས་སོ། །ཀ་མ་ལ་ནི་ཡིད་འོང་སྟེང་དུ་ཕུལ་ཕྱིན། །ཇ་ཡི་འདབ་ལྟར་ཡངས་པའི་སྤྱན་རས། །ཉ་རྒྱས་ལྟ་བུའི་བཞིན་ནས་གཟིགས་ཚེ། །
10-130
ཏ་ཐཱ་ག་ཏའི་ཆོས་ཀྱི་ཕུང་པོ། །ཐ་དད་འབྱེད་པའི་ཤེས་རབ་མཆོག་གིས། །ད་ལྟ་ཉིད་དུ་མཁས་པའི་གནས་ནས། །ན་རྒ་མེད་པའི་རིག་འཛིན་སྩོལ་ཅིག །པ་ལ་ཤ་བཞིན་འཇམ་པའི་ཕྱག་གཡས། །
ཕ་རོལ་འདྲེན་པའི་མཆོག་སྦྱིན་མཛད་ལ། །བ་མོའི་མདངས་འདྲ་ཨུཏྤལ་ཆོས་ཀྱི། །མ་མོའི་གླེགས་ཕམ་ལྡན་པ་གཡོན་བསྣམས། །ཙ་ཀོར་མིག་ལྟར་བཀྲ་བའི་ཞབས་གཉིས། །ཚ་བ་གཞལ་བ་ཟླ་བའི་སྟེང་ན། །ཛ་
ལང་མེད་ཅིང་དུལ་བར་བཞུགས་པ། །ཝ་ལེར་ཡིད་ལ་གང་གིས་དྲན་ནམ། །ཞྭ་ལྟར་བསྟེན་ན་རྒྱལ་མཚན་རྩེ་མོའི། །ཟ་བ་ཏོག་གི་ཡིད་བཞིན་ནོར་ལྟར། །འོ་ཅག་འདོད་པའི་དངོས་གྲུབ་ཐམས་ཅད། །(ཡེ་
འོད་)མེད་པར་འགྲུབ་ཅིང་སྨྲ་བའི། །ར་བ་དག་ཏུ་འཆད་རྩོད་རྩོམ་པ། །ལ་ལ་ཁྱོད་ལ་གསོལ་བ་འདེབས་རྣམས། །(ཤ་ར་བྷ་)ལྟར་འཇིགས་པ་མེད་པར། །ས་སྟེང་འདི་ན་གྲགས་པར་འགྱུར་ཕྱིར། །ཨ་
ཡིག་ལས་འཁྲུངས་ཁྱོད་ཀྱི་ཡོན་ཏན། །ཧ་ཅང་ཆེ་ན་སྤྱི་བརྟོལ་བསྐྱེད་དེ། །སྨྲ་བ་བདག་ལ་ཐུགས་རྗེའི་ཐུགས་ཀྱིས། །རྣམ་པ་ཀུན་ཏུ་བརྫུ་བར་མཛོད་ཅིག །འཇམ་མགོན་བླ་མ་སྙིང་ལ་དྲན་པའི་ཚིག །
སློབ་མའི་ཁ་ལ་རྒྱུ་བ་ས་ཡིས་བཟློག །དེ་ཕྱིར་དད་པའི་ཕྱག་དང་ལྷན་ཅིག་ཏུ། །པད་དཀར་བློ་གསལ་ཚོགས་ཀྱི་གཙོ་བོས་སྦྱར།། །།


